Naging tahimik lang ang naging biyahe nila papauwi, marahil ay pareho silang nakikiramdam ni Leo. Si Allison naman ay nakatulog na rin sa pagod, halos maghapon silang namasyal at inalalayan naman siya ni Leo dahil alam nitong buntis siya.
Pagdating nila Lyka sa kanilang bahay ay may nakita agad siyang isang pamilyar na kotse sa tapat ng gate nila.
Hindi siya maaaring magkamali, ang kotseng nasa tapat ng gate nila ay ang kotse ni Lance na ginagamit kaya ganoon na lang ang kaba niya ng maisip niyang makikita niya ulit ito pagkatapos ng ilang lingo na hindi niya ito nakikita. Gaano man siya kasabik na makita ito ay hindi naman niya maiwasang maisip ang mga bagay na nangyari sa pagitan nila, at sa mga oras na iyon ay naguguluhan pa siya sa dapat niyang gawin sa relasyon nilang dalawa bilang
