LYKA
Habang papalapit kami sa exclusive subdivision kung saan nakatira ang Mommy at kapatid ni Lance na si Jane ay lalong lumalakas ang kaba ng dibdib ko.
Hindi ko alam kung ano ang posibleng maging reaksyon ng ina nito sa relasyon naming dalawa ni Lance lalo na at hindi naman nito nalaman na magboyfriend sila tapos ngayon ay magpapakasal na kami agad-agad.
Magiging positibo na lamang ako na hindi ako huhusgahan ng mga ito dahil sa may anak ako sa pagkadalaga. Alam naman ni Jane ang buong kuwento kung bakit nagkaroon ako ng isang Alison, hindi ko lang sigurado kung nabanggit na nito sa Mama ni Lance ang lahat.
"Honey...may problema ba?" untag sa akin ni Lance ng mapansin nito na tahimik lang ako habang nakatingin sa labas ng bintana ng kotse nito.
"Kinakabahan
