Papunta na sa restaurant si Lance ng biglang tumunog ang cellphone niya. Kinuha niya ito mula sa bulsa ng kanyang pantalon habang naglalakad papunta sa kanyang nakaparadang kotse.
At nang basahin niya ang nagtext sa screen ng cellphone niya ay napahinto siya saglit sa paglalakad.
Magkita tayo mamayang hapon,may sasabihin akong importante.
Leo.
Matagal niyang tinitigan ang screen ng cellphone niya na parang iniintindi hirap na hirap siyang unawain ang nakasulat sa message sa kanya ni Leo.
Ano kaya ang importante nitong sasabihin sa kanya at inalam pa nito ang personal number niya? At bigla ay binundol ng kaba ang dibdib niya ng maalala ang nakaraan, limang taon na ang nakakaraan. Malinaw pa sa isipan niya ang mga nangyari at tila sa isang iglap ay nagbalik
