"Ano pa bang pwede nating pag-usapan ngayon?" mataray kong sambit sa kanya. Lalagpasan ko sana siya ngunit pinigilan niya ang kamay ko.
"Sandali, mag-usap tayo," pagpigil niya sa akin. Napatingin naman ako sa kamay niya, hindi masakit ang pagkakahawak niya sa palapulsuhan ko pero mahigpit iyon kaya kahit tinatanggal ko na ang kamay niya ay hindi ko maalis.
Malaki talaga ang depensya sa lakas naming dalawa, ano namang panama ko sa isang lalaking pwede akong ihagis sa tabi ng walang keme.
"Ano bang gusto mong sabihin?" mahina kong tanong sa kanya pagkatapos ay napatingin ako sa paligid dahil nakikiramdam ako sa mga taong dadaan. Natatakot ako na baka may makamukha sa aming dalawa at malaman pa ng mga step sisters ko.
Napabuntong hininga na lang ako dahil pakiramdam ko ay hindi niya ako l
