"Bakit ka pa maghahanap ng lalaking gwapo, matangkad at matipuno kung nandito naman ako?" Para akong nasamid sa sarili kong laway ng marinig ko ang sinabi niya.
Ano ba namang isasagot ko kung may katotohanan naman ang sinabi niya?
Napatikhim ako at hindi na siya nilingon dahil ako ang nahihiya sa sinabi niya na imbes siya ang mahiya.
"I think my friend is just playing a prank on me," turan ko sa kanya.
Hindi ko na pinansin ang una niyang sinabi dahil alam na alam ko namang hindi kaming pwedeng dalawa.
"She seems serious though," pagkomento pa ni Kyzher.
"She's not, I won't go to this lunch date anyway," turan ko sa kanya. Nakita kong lumingon sa akin si Kyzher kaya napalingon din ako sa kanya.
"Really?" pagtatanong niya na para bang hindi pa siya naniniwala na hindi ako pupunta.
