BELLA’S POV
Nang sumapit ang hapon ay sinundo na rin ni Sharon si Jared.
“Salamat ha,” aniya pa sa akin habang nakatingin sa mga anak namin.
May mini garden kami sa gilid ng bahay kung saan naglalaro ang mga bata habang kami naman ni Sharon ay nakaupo sa bakal na upuan. Nagmemeryenda siya dahil hindi pumayag si Nanay na hindi siya mag-meryenda bago umalis. Nagluto kasi ang inay ng biko si inay kanina.
“Wala iyon, saka mas mabuti nga kapag nandito si Jared, may kalaro sina Gray at Ben,” sagot ko naman sa kaniya.
Ngumiti siya sa akin at tumingin sa mga anak ko.
“Ang gagwapo ng mga anak mo. May lahi ba ang ama nila?” biglang tanong niya kaya natigilan ako. Hindi ko inaasahan ang tanong niya. “I mean, hindi naman lingid sa kaalaman nating dalawa na pareho tayong single mom. Iyong tatay
