CELESTINE
"Ba't sobrang tagal mo? Hindi mo ba alam na kanina pa kaming naghihintay sa 'yo. Sa'n ka ba galing?"
Iyon agad ang ibinungad sa akin ni Cheng nang pumasok ako sa kwartong nililinisan namin.
Halatang inip na inip na ito dahil kanina pa itong naghihintay sa akin. Nakaupo na kasi ang mga ito at wala nang ginagawa pa. Hindi na rin maipinta ang mga mukha nila.
"Oo, nga! Siguro pumetiks ka na naman, no?" segunda rin ni Louvel.
"Ano pang gagawin mo ngayon? Eh, tapos na namin ang mga gawain," muling saad ni Cheng.
"Para-paraan talaga, eh, no? Para maka-iwas sa trabaho. Ang galing din ng istayl mo, Girl. Grabe ka!" Si Louvel.
Pinakinggan ko lang ang mga sinasabi nila sa akin kahit lahat naman iyon ay wala namang katotohanan. Hindi man lang ako sumagot para ipagtanggol ang sarili
