Nang makababa na sila sa cafeteria ay nag-order na si Cynthia ng pagkain nila ni Delsin. Noong una ay hiyang-hiya pa nga si Delsin dahil mamahalin ang ulam na binili ni Cynthia para sa kanya. Ayos naman na sa kanya ang murang ulam tulad ng itlog na may kamatis pero iba ang binili ni Cynthia para sa kanya.
Sabay silang umupo sa cafeteria, ilang minuto pa ay nagsalita na si Delsin para naman hindi sila tahimik. Kapag kasi tahimik, feeling niya ay may problema sa kanya o sa paligid kaya minabuti na lang niya na magsalita.
“Ma’am, sigurado po ba kayo na ayos lang sa inyo na binili niyo ako ng pagkain? Ayos lang naman po sa akin kahit ano, ang akin lang po eh ang mahal nito, Ma’am.”
“Iyan ka na naman, ah. Ayos nga lang iyan. Ilang beses ko bang sasabihin sa iyo ‘yon? Saka, wala naman tayo sa
