Lumapit si Delsin at Cynthia sa kanya para patahanin na siya.
“Basta, ipangako niyo sa akin na hindi siya masasaktan kapag nahuli siya ng mga pulis, ah?” sabi ni Tonyo, pino-protektahan pa rin niya si Ysmael kahit paano.
“Oo naman, basta hindi siya manlaban ay hindi naman siya masasaktan ng mga pulis eh. Pangako namin iyan sa iyo,” nakangiti pang sabi ni Cynthia kay Tonyo.
Ngumiti naman si Tonyo pabalik sa kanyang kaibigan at dahan-dahan na nila itong tinulungan na makatayo para makapunta na sa kotse ni Cynthia. Buti na lang talaga at wala pa si Ysmael kaya makakatakas pa sila.
Dahil mabilis naman ang pagpapatakbo ng sasakyan ni Cynthia ay nakarating agad sila sa ospital. Agad na pina-check si Tonyo sa doktor. Naka-upo lang sila sa labas, naghihintay ng anunsyo ng doctor kung okay na b
