Pagkadating nila sa kulungan ay tumawag sila ng pulis para tawagin si Ysmael at sabihan ito na may bisita siya. Ang balak naman ni Delsin ngayon ay kausapin na si Oryang tungkol sa kaso ni Boyong, na kung pwede ay iurong na niya ito para hindi na madamay pa si Boyong sa gulo.
Nagpaalam na sa kanya si Tonyo para puntahan na nito si Ysmael, noong una ay pinipilit niyang sumama kung saan mag-uusap ýong dalawa pero ayaw naman na ni Tonyo kaya hindi na niya pinilit pa. Baka mamaya ay magalit pa ito sa kanya at mag-away pa sila. Ayaw naman ni Delsin dahil nasa pampubliko silang lugar. Parehas silang mapapahiya noon kapag iyon ang ginawa nila.
Palihim na kinausap ni Delsin ang isa sa mga pulis, pinatawag niya si Oryang dito. Noong una ay tuwang-tuwa si Oryang dahil akala niya ay si Alexis ang b
