Paggising ni Delsin ay pinagtimpla niya ng kape si Tonyo. Nagluto rin siya ng umagahan nito, pambawi sa nangyaring pag-aaway nila kagabi. Buti na lang at maaga siyang nagising, nauna siya kay Tonyo, kaya nagawa niya pa ang lahat ng iyon.
Pagkatapos niyang magluto ay pumunta agad siya sa kwarto ni Tonyo. Kumatok siya roon, naghintay siya kung sasagot si Tonyo sa kanya. Nahihiya kasi siyang pumasok agad dahil nga galit sa kanya ang kaibigan niya.
‘’Oh, ano? Bakit?’’ sabi ni Tonyo, halata mong galit nag alit pa rin siya kay Delsin.
‘’May ibibigay lang sana ako sa iyo. Pwede ba akong pumasok?’’ tanong naman ni Delsin, may takot sa boses niya.
‘’Sige, pumasok ka. Siguraduhin mo lang na matutuwa ako sa ibibigay mo,’’ sabi naman ni Tonyo.
Dahil doon, pumasok na si Delsin sa kwarto ni Tonyo
