Nang magising na si Albert ay nagsimula na ang totoong trabaho ni Delsin. Ang alagaan ito kahit mahirap.
Pinaliguan niya ito at pinakain. Buti na lang at hindi naman ito nagwawala, may epekto pa rin siguro 'yong gamot na ininom niya kanina.
Habang nakain si Cynthia at Albert ay lumabas naman sa kwarto nila ang dalawa pang kapatid ni Albert.
Si Zsa Zsa at Mikael, mas bata pa sila kay Albert pero tinuturin nila na ang mga sarili nila na mas matanda at mas marunong sa kanya dahil nga rin sa sitwasyon na meron si Albert ngayon.
Tahimik lang si Delsin, tutok siya kay Albert at hindi natingin doon sa dalawa dahil nahihiya siya, bago lang kasi siya.
"Ito na ba 'yong bagong kasama ni Albert, Ma?" tanong ni Mikael sa nanay niyang si Cynthia.
"Anak, ayusin mo ang pananalita mo. Bakit Albert la
