Makaraan ang ilang araw ay naisipan ni Delsin na puntahan si Ysmael sa kulungan. Gusto niya itong makita para malaman niya kung nagdurusa ba talaga ito roon. Walang kaalam-alam sina Cynthia at Tonyo sa desisyon niyang iyon. Hindi niya pinaalam dahil panigurado siya na mapapagalitan siya ng mga iyon.
Tinawag na ng pulis si ysmael, si Delsin naman ay naghintay doon. Kahit paano ay naaawa siya sa mga nakakulong doon dahil hirap na hirap sila sa sitwasyon nila. Ang daming tanong sa isip ni Delsin.
Totoo nga bang nagkasala sila o napagkamalan lang?
Gaano na kaya sila katagal sa kulungan na ito?
Mga ganoong klaseng tanong. Nakita kasi niya na may mga bata rin doon sa kulungan, ka-edad niya. Nalulungkot lang siya na sa murang edad ng mga ito ay nakakagawa na sila ng ganoong kabigat na kasalan
