Hanggang kinagabihan ay kinukulit pa rin siya ni Oryang na tanggapin na lang ang pera na bigay ni Beverly sa kanya pero hindi niya na ito pinansin dahil napakadami nang pumapasok sa kanyang isip. Alam niyang kahit ano man ang desisyon niya ay malaki ang magiging epekto nito sa magiging takbo ng buhay niya.
Pagkatapos nilang kumain ay nag-usap ang tatlo tungkol sa nangyari kanina. Lumabas sila sa bahay at doon nag-usap, ayaw kasi ni Alexis na marnig pa ni Oryang kung ano man ang pag-usapan nila.
“Anong gagawin mo roon sa pera, Delsin? Hindi mo naman tatanggapin, hindi ba?” sabi ni Alexis.
“Sa ngayon, hindi ko alam. Wala pa ako sa tamang pag-iisip para magdesisyon. Alam ko na kapag ngayon ako nagdesisyon ay pwedeng makasama iyon sa akin,” sagot ni Delsin kay Alexis.
“Alam ko naman ang pr
