Gusto man pigilan nina Boyong at Alexis si Delsin ay hindi na nila tinangka pa dahil mukha namang desidido na si Delsin sa kanyang desisyon. Tinulungan pa nila ito nang konti sa kanyang gamit pero hindi na rin sila nag-usap kahit na nagtutulungan sila.
Gusto man din ni Delsin na magpaalam ng kahit konti doon sa dalawa ay hindi na rin niya magawa dahil naiisip niya ang ginawa ng mga ito sa kanya. Sobrang sakit pa rin sa kanya kahit na hinayaan niya lang ang pera na manatili kay Oryang at Boyong.
Agad niyang tinawagan sa kanyang cellphone si Tonyo para sabihin na papunta siya sa bahay nito at doon muna makikitira pansamantala. Noong una ay nahihiya pa siya at baka tulog na ito pero hindi naman pwedeng ganoon na lang dahil wala siyang matutuluyan ngayong gabi kung iyon ang iisipin niya.
“H
