Dahil sa nalaman niyang pagkamatay ng tita Miranda at tito Aries niya, hating-gabi na gising na gising parin ang kanyang diwa. Tila napakailap ng antok para sa kanya ngayong gabi na anumang pilit niyang ipikit ang mga mata ay hindi siya makatulog. Nakaramdam na rin siya ng gutom dahil hindi siya sumama kanina kay Dylan at Alexandra na bumaba para kumain ng dinner.
"Bakit parang hindi ko matiis ang gutom ko ngayon?" tanong niya sa sarili.
Nasa kasarapan na ng tulog si Dylan at anak niya kaya marahan ang kanyang bawat kilos na bumangon sa kama. Nang ganap ng makatayo ay sinuot niya agad ang kanyang bedroom slipper at pinatungan ang kanyang lingerie dress ng katerno nitong robe.
Pumaroon siya sa bintana at hinawi niya ang venetian blinds upang masilip sa baba kung madami pang gising. Mada
