[Pagpapatuloy...]
Inawat na ito ni Janice na pinasigla ang tinig. "Ay, tama na nga 'yan. Maling manghinayang sa mga ganoong bagay. Okay naman tayo ngayon, 'di ba? Kahit ganito tayo, nagagawa pa rin natin ang gusto natin. Nasa teatro tayo at magkakasama pa rin."
Napabuntong-hininga na lang si Candy. "Masarap lang talagang alalahanin ang nakaraan. Kung puwede lang mag-time travel pabalik, baka matagal ko nang nagawa."
Iyon din ang hiling ni Janice, ang makabalik sa panahon, para sana muli niyang makasama ang kaniyang Ate Jizelle. Kung magkakaroon lang sana siya ng isa pang pagkakataon, hinding-hindi na siya magpapakalugmok dahil sa kaniyang kondisyon.
Kung hindi lang niya itinaboy ang mga taong mahalaga sa kaniya noon dahil sa nangyari sa kaniya, eh 'di sana,
