***
Kahit na anong gawin ni Gian, hindi pa rin niya matunton ang taong patuloy na naninira sa kaniyang lolo. Lumabas sa imbestigasyon na kaya patuloy na kumakalat ang mga artikulo, ay dahil sa anonymous hacker na walang sawang nangha-hack ng mga kilalang website sa bansa.
Isang palaisipan sa kanila ang motibo nito, lalo pa't wala na nga sa posisyon si Lolo Pablo, kaya bakit patuloy pa ring lumalabas ang iba't ibang klaseng artikulo patungkol dito?
Ang hula lang nila, marahil ay isa 'yon sa mga nakabangga sa negosyo ng lolo niya at ngayon lamang nagkaroon ng kapangyarihan na maghiganti. Wala naman itong mapapala sapagkat hindi 'yon iniintindi ng lolo niya na sa kasalukuyan, nagpapakagaling sa ospital. Kay Nathan pa niya nalaman kung nasaan ito na-confine matapo
