[Pagpapatuloy...]
"May alak na naman 'yang iniinom mo," pansin ni Francia sa kaibigan. Mas bata man ng tatlong taon kay Rosella, ito ang palaging umaaktong seryoso at mas may pinagkatandaan, hindi gaya ng isa na tila happy go lucky lang sa buhay.
"Cocktail lang naman 'to, Francie," tugon ng kaibigan. "Pagbigyan mo na ako."
"Nag-aalala akong matulad ka sa daughter-in-law mo noon."
"Hinding-hindi mangyayari ‘yon," paniniguro ni Rosella na ngumiti. "Alam mong ang asawa ng anak ko, hindi lang wine ang bisyo, mas masama pa roon."
"Kahit na ba. Hindi tayo nagpapakapagod mag-exercise para lang sabayan mo ng pagka-dependent sa alak. Hindi na tayo pabata. Ang katawan natin, 'di na 'gaya noon na maaaring tanggapin ng tanggapin ang mga kinakain at in
