Malapit lang ang restaurant na napili ni Dylan kaya ilang minuto lang ay nakarating din kami agad dito.
Sa totoo lang ay wala na akong ganang kumain dahil sa mga nangyayari pero nakakahiya naman kung tatanggi ako gayong nakapag-commit na ako. Inisip ko na lang na trabaho ito para hindi pigilan ang sarili kong umatras.
Nagsabi ako sa mga tauhan ni PJ na kumain na lang din muna sila habang naghahapunan kami ni Dylan. Pero dahil takot sila kay PJ, mukhang hindi sila makikinig sa gusto ko at magbabantay pa rin talaga sa paligid.
May umasikaso naman agad sa amin ni Dylan pagpasok sa loob ng restaurant. At kahit papaano’y nakalimutan ko ang problema ko nang makita ang ganda ng paligid. Namangha ako dahil parang nakarating ako sa Greece.
This Greek restaurant looks all too real because of
