Lumipas ang dalawang linggo matapos ang prom, pero tila ba kahapon lang nangyari ang lahat para kay Diana. Ang bawat alaala ng gabing iyon ay malinaw pa rin sa kanyang isipan—ang sweet na sayaw nila ni Roel, ang biglaang paglapit ni Cloudine, at ang nakakagulat na hiling nito na tulungan siya sa pagliligaw kay Roel. Ngayong mag-isa na lamang siya sa kwarto, muling bumabalik ang lahat ng emosyon na pilit niyang itinatago noong gabing iyon.
Hindi niya lubos maisip kung paano niya sisimulan ang plano ni Cloudine. Paano nga ba? Paano niya papayuhan si Roel na ligawan ang ibang babae, lalo na at sa bawat sandaling magkasama sila, nararamdaman niya ang paglala ng sariling damdamin para sa kanya? At higit sa lahat, paano niya haharapin si Cloudine—ang kaibigan niyang humihiling ng isang bagay na
