NANG dumating si Dominic sa ospital ay nasa ICU na si Ice at hindi pa ito nagigising. Nadatnan niya roon ang parents nito, nakaupo sa upuang nasa gilid ng hallway.
"Kumusta na po si Ice?" tanong niya nang makalapit sa mga ito.
"His condition was not very serious, but under observation siya and we are waiting for him to wake up," ang ama nito ang sumagot, nasa boses nito ang katabangan.
Tumango siya at tinanaw ang kaibigan sa kabila ng glass panel.
"Sino ba ang babaeng 'yon? Ano ba siya sa buhay ng anak ko? Why he would risk his life for her?" narinig niyang tanong ng ama ni Ice kaya napatingin siya rito at dahil nakatingin din ito sa kaniya ay nagkatitigan sila. "Ikaw ang bestfriend niya. Alam mo ang sagot, 'di ba?" tanong pa nito.
"Tito, pasensya ka na pero tinatanong ko rin siya tu
