"Si Fiona?" tanong ni Nick sa katulong nang bumalik siya sa komedor para uminom ng malamig na tubig. Kailangan niyang palamigin ang nag-iinit niyang katawan dahil sa pagkakadikit ng balat nila ni Camilla sa swimming pool.
"Umalis na ho kani-kanina lang. Parang galit nga ho kasi paharurot na umalis 'yung sasakyan sa driveway."
Inubos niya ang laman ng baso saka naglagay pa ulit at ininom. Sadya niyang ipinakita kay Fiona kanina na kay Camilla na nabaling ang pagtingin niya. Ang gusto niya ay masaktan ang dating kasintahan at ma-realize nito na mali ang desisyon nitong tanggihan siya sa huling pagkakataon. Gusto niyang masaktan si Fiona at magselos kay Camilla.
He succeeded in his plan. Kanina pa lang sa hapagkainan ay halos hindi na makakilos si Camilla sa mga titig at pag-aanalisa ni
