Napilitang bumaba si Camilla para sumama kay Nick sa bukid. Nagpalit siya ng shorts at casual V neck spaghetti strap na tank top. Pagbaba niya ay nakasalubong niya si Charles sa sala.
"May lakad kayo ni Nick?"
"Pupunta raw ho kami sa bukid." Isang pilit na ngiti ang pinakawalan niya. Si Charles naman ay ngumiti ang mga mata.
"Natutuwa ako na nakapagpalagayan na kayo ng loob ni Nick, iha. Sana'y magtuloy-tuloy na ang magandang samahan ninyo."
Hindi niya gustong salungatin ang sinabi ng matanda kahit alam niya na napipilitan lang si Nick na isama siya sa bukid.
"Sana nga ho..."
"Ikaw ang daan para tuluyan nang maghilom ang galit sa puso niya. Makakalimut
an niya rin si Fiona."
"G-gusto niyo hong sumama sa bukid?" pag-iiba niya ng usapan. Hindi niya muna gustong isipin ang sitwasyon
