Pagbalik nila sa mansyon ay naroon si Fiona na kaagad lumapit kay Nick. Nakaramdam siya ng inis sa kung anong kadahilanan. Hindi niya alam kung bakit laging nandito si Fiona sa mansyon at lagi nitong hinahanap si Nick. Hindi ba't ipinagpalit na nito ang asawa niya kay Axel?
"Mauna ka na sa komedor, Camilla," utos pa ni Nick sa kanya. Sa halip na magpunta sa komedor ay umakyat siya sa silid. Kailangan niyang magbihis dahil pawisan siya. Pero ang totoo ay hindi niya gustong makitang nag-uusap si Nick at Fiona.
Nakakaramdam na ba siya ng selos sa dalawang 'yun?
May kumatok sa pinto habang nagmumuni-muni siya sa pinto palabas sa balkonahe. Nakasukbit pa ang twalya sa balikat niya.
"Ma'am Camilla, hinihintay na ho kayo ni Sir Nick sa komedor."
"Sige, Ate Minda, maliligo lang ho ako."
"Bak
