Yssabela
NAGSIMULA ang plano noong matanggap ko pa lamang ang litrato ng kapatid ko. Nagdalawang isip pa ako kung sasabihin ko pa ba kay Elia o hindi na, pero mas pinili ko na sabihin sa kanya.
Alam ko na sa estado ng buhay namin ngayon, mas malaki ang impluwensya ni Elia at baka mas alam niya kung anong gagawin.
Ipinakita ko kay Elia ang mga litrato. Tiningnan niya iyon bago magtaas ng tingin sa akin. Kinuha niya ang mga litrato bago ito tingnan isa-isa.
“May nagpadala nito sa akin. Tinatakot nila ako gamit ang kapatid ko. Iyan ‘yong mga pinagkakautangan ni Dad. Mga tauahan lang ‘yong nahuli natin noong nakaraan,” sabi ko.
Panay pa rin ang pagtingin niya sa mga litrato.
“They are following him?” tanong ni Elia sa akin, naninigurado.
“Oo. Mukhang pinamamatiyagan nila.” Nanginginig a
