ABALA si Raven sa pag-botones ng suot niyang puting polo ng mapatigil siya ng marinig niya ang mahinang katok na nanggaling sa labas ng kwarto niya.
Tinapos muna ni Raven ang ginagawa bago siya humakbang palapit sa pinto para pagbuksan kung sino ang nasa labas. At pagbukas ay sumalubong sa kanyang mata ang mukha ng kasambahay niya.
"Yes?"
"Mayor, nasa baba po ang Mama niyo," imporma nito sa kanya, hindi naman niya napigilan ang mapakunot ng noo sa sinabi nito. "Gusto daw kayong makausap," dagdag pa na wika nito.
Sa tingin ni Raven ay wala na silang pag-uusapan ng ina. Sa tingin niya nasabi na niya ang lahat ng gusto niyang sabihin dito. At kahit na anong gawin o sabihin ng Mama niya ay pinal na ang desisyon niya. Hinding-hindi iiwan ni Raven ang mag-iina niya kahit na anumang mangy
