Bahagyang nagulat si Jade sa naging pagsigaw nito. Mas lalo pang nanliit ang may kasingkitan nitong mga mata habang nakatitig sa kanya. Magkalapat ang mga labi nito, na hindi s'ya sigurado kung naiinis o nagagalit. Magkasama na marahil. Kung ang iba marahil madaling matatakot at pipiliing lumabas na lang kung makikita ito sa ganitong itsura, pero hindi s'ya.
"Get out!" mariing utos nito.
Tinaasan lang n'ya ito ng kilay at saka ngumiti. Umaktong kunwa'y sinisilip ito bagamat hindi naman n'ya maaninag dahil blurd naman ang bandang ibaba ng makapal na salaming nakapagitan sa kanila.
Pinag-krus pa n'ya ang mga braso sa dibdib habang taas-baba itong tiningnan na tila lalo pang nang-iinis. May pilyang ngisi sa mga labi niya at sumandal sa may gilid ng pader nito.
Mabilis na hinablot nito an
