MARIING napahilamos sa kanyang mukha si Ted na nanatiling nakatayo sa gitna ng kanyang silid. May ilang minuto na rin mula nang lumabas ng kanyang kwarto si Jade. Hindi pa rin s'ya makapaniwala sa bilis nang pangyayari. Ikaw ba namang iwanan ng walang kahit anong saplot sa katawan? Hindi n'ya naiwasan ang kapilyahang ginawa ng dalaga. Gumaganti ito marahil sa kanya dahil sa pagsasabi nang hindi maganda rito. Pero aaminin n'ya na nadagdagan ang paghanga n'ya rito. Dahil nagagawa at nasasabi nito nang malaya at walang takot ang kahit na anong gusto nito. Oo nga at prangka ito kung magsalita, ginagawa rin nito ang kahit anong naisin na walang pakialam sa mga taong nakapaligid dito.
Hindi n'ya masabi kung nagrerebelde ba ang pag-uugali na meron ito, dahil hindi naman n'ya alam kung may dapat
