TED'S POV
Ginugol ni Ted ang mga libreng oras n'ya sa pamamasyal at paglalaro ng golf. Halos dalawang beses pa lang s'yang tumawag sa kanyang mama upang kumustahin ito.
Noong huli s'yang tumawag parang matamlay ang tinig nito kaya lang dala raw nang hindi maganda ang pakiramdam nito.
Maaga s'yang nagising. Naghanda ng pagkain at nagtimpla ng kape. Habang nasa mesa, sinubukan niyang tawagan ang mama n'ya. Matagal bago may narinig s'yang sumagot na tinig.
"Hello?"
"Ma? Ikaw ba 'yan? Bakit parang iba yata ang boses mo? May sakit ka ba?" nagaalalang tanong nito. Naninibago s'ya dahil palagi itong masigla at masaya kung kausap n'ya, ngayon matamlay ito. Noong huling tawag n'ya, ganito rin ito.
"Wala ito, 'wag mo akong alalahanin. Napagod lang siguro ako, kailangan ko lang siguro ito ipa
