Aaminin niyang wala pang ibang babaeng bumuhay sa interes n'ya maliban kay Jade. Ngunit hindi n'ya pwedeng samantalahin iyon. Kaya pinilit niyang magsama ng kung sino-sinong babae upang ipakita rito kung ano s'ya.
Ang totoo ang mga babae rin naman ang pilit na lumalapit sa kanya at isa nga si Shen, ang kasama n'ya ngayon. Matagal na n'ya itong nakakasama sa kama. Ito lang yata ang tumagal dahil masunurin ito at may usapan rin sila tungkol sa estado nila sa isat isa.
Hindi ito maghahabol o maghahanap nang higit pa sa kung ano lang sila ngayon. Kapalit din nang pagbibigay n'ya ng lahat ng luho at pera rito. Kinuha n'ya ang serbisyo nito upang mailayo ang loob ni Jade sa kanya, pero parang lalo lang naman inilalapit ni Jade ang sarili nito, at mas natatakot s'ya sa sariling damdamin n'ya,
