HINAPLOS-HAPLOS ni Wayne ang kaniyang umuumbok na tiyan ngayon. Natutuwa naman akong pinagsusulyapan siyang nakangiti habang nanatili pa rin niyang ginagawa iyon. Ramdam ko ang kaniyang lubusang pasasalamat sa lahat ng naganap sa kaniyang buhay. Ang dumating sa buhay ang kaniyang mga pinakamamahal; si Gino at ang kaniyang mga supling na hanggang ngayon ay hindi pa lumalabas.
Kaniyang ininom ang gatas na kaniyang katitimpla pa lamang saka nagawi ng tingin sa akin. "Alam mo, Yvette. Sagutin mo na kaya si Travester. Kaawa-awa naman iyon at hanggang ngayon ay hindi mo pa rin siya magawang sagutin."
"Wayne, napag-usapan na natin iyan 'di ba? Hindi naman ako nagmamadali sa pakikipagrelasyon samantalang siya naman, handa naman siyang maghintay sa akin."
"Naku, iyang paganyan mo. Baka masisi ka
