Hindi pa rin ako maka-moveon doon sa tattoo ni Claude. Pero hindi ko naman gaanong inuusisa. Ito kaming mag-ex ngayon, naglalakad-lakad sa isla, sa parte kung saan na mayroong mga nagtitinda na puwedeng ipasalubong.
Nasa loob kami nang isang area for pasalubong. Puro pagkain kaya bibili ako.
“Kumusta na sila?” biglang tanong ni Claude.
Medyo nagtaka ako na nagtanong siya ngayon. “Sinong sila? GZ ba?” tanong ko.
Hindi niya ‘ko tinitingnan at inaabala niya ang kanyang sarili sa pagtingin ng mga pagkain na naka-pack.
“Yep,” sagot niya.
“Maayos naman, puwede ka naman dumalaw sa ‘min kapag natapos na ‘to,” sabi ko.
Tinitingnan ko ang reaksiyon niya.
“Pupunta na kami ng Spain pagkatapos nitong movie.”
Para naman akong naestatwa sa sinabi niya. Magkakalayo na naman pala kami nang husto.
