Natapos ang aming musical movie, nagkaroon kami ng party bago kami umalis bukas. Masaya ang lahat dahil sa accomplishment, pero marami ring malungkot dahil marami ngang naging mas close dahil sa movie.
Ilang beses na ‘kong kinakatok at ipinatatawag pero wala pa ‘kong ganang bumangon. Napaka-heavy scene naman kasi no’ng mga huli kaya pagod ang pakiramdam ko. Isama pa na kapag maraming iniisip talaga parang mas nakakapagod ang lahat.
Maya-maya na ‘ko lalabas dahil tinatamad pa ‘ko.
I-enjoy ko muna ang kuwarto ko at bukas ay aalis na ‘ko rito.
Mga katok ang nagpagising sa patulog ko na sanang diwa.
Naiinis na napabangon ako. Mukhang wala talaga ‘kong takas.
Ibinukas ko ‘yon at nabigla pa ‘ko na si Claude ‘yon at ang RSYND.
“Tara na, hinahanap ka na rin,” masiglang sabi ni Zach.
Ngini
