Claude
Hindi ko maintindihan, hindi ko matandaan, naguguluhan ako, wala akong naging iba simula nang magbalikan uli kami ni Yuki, hindi ko na gustong magkahiwalay kami dahil ako lang din naman ang nahihirapan.
Pero anong ganap ng babaeng ‘to sa ‘min ni Yuki?
Pinapunta ako ni Yuki sa kuwarto na ‘to pero siya ang nakita ko sa silid at walang saplot. Wala pang ilang minuto dumating si Yuki at alam kong maging siya’y magugulat na narito ako at may nakahubad na babae. Pero bakit parang pareho lang kaming nalokong dalawa?
“Claude, nasasaktan ako!” sabi ni Florine.
Mahigpit kong hawak ang braso niya. Paulit-ulit ko siyang tinatanong kung paano siyang naroon sa kuwarto, paano niya nakuha ang social media account ni Yuki, saan nakuha ng babaeng ‘to lahat-lahat ng impormasyon na mayroon siya.
