“Why my brother is crying, teacher?” tanong ni Angel sa teacher sa kabilang kuwarto sa Kindergarten. Malinis at cute na cute ‘to sa buhok nitong naka-ponytail at nakaikot sa magkabila.
“Tinatanong ko rin siya pero hindi siya sumasagot. Sabi niya mag-wash lang siya ng hands, at ito na nga ang resulta umiiyak na siya.” Nag-aalala rin ang teacher, lalo at isa ‘yong private school at karamihan ng batang nag-aaral ay talagang mayayaman at may marereklamo talaga.
Uwian na no’n kaya nakapasok si Angel sa loob.
“Wala pa po kaming sundo, wala kasi si mommy may meeting siya male-late siya. Pero dadating daw ‘yong driver namin po,” sabi ni Angel.
Pinaghiwa-hiwalay ang magkakapatid dahil para mas matuto raw ‘to ayon sa ina nito sa isang sulat, hindi naman ‘to nagpapakita sa eskuwelahan. Kung sumu
