'RUSSEL GUEVARRA'
Kinabukasan ay maaga akong nagising dahil ngayong araw ay may importanteng lakad ako. Ngayon kasi namin napag-usapan ni Kuya Theo na puntahan sila Nanay Iska para i-abot 'yong folder na naglalaman ng titulo ng bahay at lupa na binili ni Kuya Theo para sa kanila.
Ang saya-saya kong nagising kanina. Super gaan na para akong nakasakay sa bulak. Sa ilang linggo ko rito sa Manila, kanina lang ang pinakamagandang gising ko.Lahat naman ng gising ko ay maganda at blessing para sa akin, iba lang talaga 'yong kanina.
Bukod kasi sa napanatag na ako na may matutuluyan na sila Nanay Iska at Itoy, na hindi na sila babalik ulit sa lansangan ay nakausap ko rin kagabi sila Mama through video call.
Masayang ibinalita sa akin nila Mama na ginawa na raw ang unang session ng lithotripsy k
