'RUSSEL GUEVARRA'
Nakatingala lamang ako sa kisame habang ako'y nakahiga sa malambot na kama. Nakailang baliktad na rin ako sa kama pero hindi pa rin ako dinadalaw ng antok kaya nag-decide na akong bumangon at lumabas sa veranda ng condo unit kung nasaan ako.
Mula rito sa veranda ng 79th floor ay tanaw na tanaw ko ang buong kalakhang Maynila na unti-unti ng nagigising. Halos pasikat na rin kasi ang araw at hanggang ngayon wala pa rin balak ang katawan kong magpahinga. Parang ang buong katawang-lupa ko ay buhay na buhay pa rin at lasing na lasing pa rin ako sa mga unexpected and unrealistic na kaganapan.
Paulit-ulit pa rin kasing bumabalik sa aking isipan kung totoo ba itong mga nangyayari. 'Yong pagkakahuli sa akin ng mga Adan na mga anak pala ng isang kilalang business tycoon ng bansa
