"N-N-Ngayon na nagawa niyo na maibunyag ang sikreto niyo sa kanila," seryosong pagpansin ni Count Bardoz sa aking ginawang hakbang na iyon, "Nangangahulugan po ba ito na binabalak niyo na ngayon na kalabanin ang pwersa ng pangalawang prinsesa? Magsasagawa na po ba kayo ng rebelyon para agawin ang trono?"
Dahil sa direktang pagtatanong na iyon ni Count Bardoz ay agarang nabaling sa akin ang tingin ng lahat. Kita ko pa sa kanilang mga mata na umaasa sila na sa pagkakataon na ito ay naisipan ko na nga kalabanin si Prinsesa Aubriella.
Hindi naman kasi lingid sa kaalaman naming lahat ang tunay na pag-uugal ng pangalawang prinsesa. Idagdag pa ang ginawa ni Prinsesa Aubriella na pagpapalaya sa mga demonyo para lang mabura sa mundong ito si Count Bardoz at ang buong bayan ng Cait.
Doon pa lang
