Dahil na rin sa malalang kondisyon ng mga pinunong kawal ay napagpasyahan ni Prinsesa Aubriella na dalhin sila sa ospital ng bayan. Nang una ay ginawa niya lang iyon dahil naririndi na siya sa nasasaktang mga pag-inda ng mga ito.
Ngunit nang makarating sila ng ospital ay bigla siya nakaisip ng isang magandang palabas. Dahil kung hindi na niya na mapapakinabangan pa ang mga pinunong kawal ay gagamitin na lang niya ang mga ito sa ibang paraan. Sila ang magiging tulay para magawa niya ang mga nais niya mangyari.
Kaya habang pinapanuod ni Prinsesa Aubriella ang pag-aasikaso ng mga manggagamot sa mga pinunong kawal ay lihim na napangisi siya. Mukhang mas nakakabuti pa pala sa kanya ngayon ang nangyari. Dahil sa nangyari na ito ay wala magagawa si Count Bardoz kundi sundin ang anumang nais niy
