"Graaaaaaaaaaah!"
Natigilan sina Aziel sa kanilang pag-uusap nang sumambulat ang malakas na pag-ungol ng demonyong si Nonoi. Sa sobrang galit nito ngayon ay lalong nagliwanag at nanlisik ang apat na pulang mga mata niya mula sa kadiliman.
"Graaaaaahhh!" muling malakas na paghiyaw niya na naging dahilan para yumanig muli ang kalupaan ng buong bayan.
Pagkatapos ay mabilis na inilibot niya ang kanyang tingin para hanapin ang tao na siyang umatake sa kanya ng patalikod. Natigil ang paghahanap niyang iyon nang dumapo ang kanyang tingin kay Aziel na siyang kalmado lamang na pinapanuod siya.
"Ikaw! Graaaaaaahhh!" galit na galit na paghiyaw niyang muli, "Ikaw ang gumawa sa akin 'nun! Ang lakas ng loob mo para atakihin ako sa aking likod!"
Ngunit bigla natigilan sa pagwawala niya si Nonoi nan
