"At anumang oras ay makakawala na ang mga demonyo sa kanilang selyado. Mamamatay tayong lahat kapag nangyari iyon!"
Umalingawngaw sa buong kulungan ang malakas at hindi mapakaling boses ni Jake. Kitang kita ang matinding takot at pagsisisi sa mukha niya.
Hindi naman makapaniwala ang mga kasama niyang kawal sa ginawa ng binatilyo na pagbubunyag ng kanilang ginawa. Ngunit sa huli ay naisip nila na balewala na rin kung malaman namin ang tungkol doon. Dahil katulad ng sabi ni Jake, mamamatay naman kaming lahat.
Iyon nga lang kahit alam nila na maaaring mamamatay sila ay sinunod pa rin nila ang utos ng pangalawang prinsesa. Dahil sa tingin nila ay mas makakabuti na sundin na lang ang anumang iuutos ng pangalawang prinsesa kaysa kontrahin ito.
Nawalan sila ng karapatan na magkaroon ng desisy
