Walang kaingay ingay na nagtungo sa lungga ng demonyong si Nozar ang buong pangkat ni Aziel. Mula pa sa likuran ng matayog na puno ay maingat na sinilip ni Aziel ang kinalalagyan ng kakalabanin niyang demonyo.
Prente naman nakaupo ito sa ibabaw ng isang malaking bato habang kanina pa na walang tigil na lumalaklak ng mga alak na kinuha nila sa mga naiwang tindahan sa kapital. Talagang nilulunod nito ang sarili sa mga alak na iyon.
"Graaaah! Hindi ko alam na may ganitong kasarap ng inumin ang mga tao pagkatapos ng isang libong taon na pagkakakulong ko!" maligayang sambit niya at pinagpatuloy ang paglalak ng alak, "Humanap pa kayo at dalhin niyo sa akin ang lahat ng alak na makikita niyo!" pagbibigay utos pa niya sa mga kampon niya.
Ngunit biglang natigilan ito sa kanyang ginagawa at gina
