Pagkatapos namin ni Aziel na kainin ang niluto niyang agahan ay kusang nagprisinta ako na maghugas ng aming pinagkainan.
Hindi naman ako nagawa pang pigilan ni Aziel na gawin iyon. Alam niya kasi na medyo hindi naging maganda ang timpla ko pagkatapos malaman ang nangyayari na kaguluhan sa kapital. Aaminin ko naman rin na magmula na malaman ko ang tungkol doon ay hindi ako mapakali.
Para bang inuusig ako ngayon ng konsensiya ko dahil sa patuloy ko na pagmamatigas na hindi mangialam sa ginagawa na iyon ni Prinsesa Aubriella. Na hinayaan ko lang madamay ang ilang inosenteng buhay na nakulong sa hangganan ng kapital.
Dati kasi ay may maibibigay na rason ako sa kanilang lahat. Na hindi katanggap tanggap na makialam ang katulad kong pekeng prinsesa na walang katiting na bahid ng dugong Suzd
