Sa aking ginawang pagbunyag ng aking sikreto ay hindi man lang ako dinalaw ng kahit kaunting antok. Kahit pa nga ramdam na ramdam ng aking katawan ang patong-patong na pagod mula sa isang araw na pagkakakulong sa mansyon at ang nangyaring pakikipaglaban sa mga demonyo. Dumadagdag pa sa pagod na iyon ay ang maya't maya na pag-iisip ng anumang maaaring mangyari bukas.
Aaminin ko na sa oras na ito ay sobrang natatakot ako na dumating ang kinabukasan at malaman na kumalat na sa buong bayan na ako si Prinsesa Kataleya. Natatakot ako na makita ang magiging reaksyon ng mga tagabayan. Mga tingin na punung puno ng pagkasuklam at galit sa akin.
Sa aking naisip ay biglang mapait na napangiti ako habang nakatitig sa kisame ng aking kwarto. "Mas mabuti siguro naumalis na ako bago ko pa intayin ang m
