Naalimpungatan si Leya mula sa kahimbingan ng kanyang tulog nang may mga brasong humila sa kanyang bewang at kinulong ang katawan niya sa isang mahigpit na yakap.
Dahil doon ay inaantok na kinusot pa niya ang kanyang mata bago nagpakawala ng isang malawak na hikab. Ito na yata ang pinakamahaba at pinakamasarap na tulog na nakuha niya.
Aaminin niya na mas magaan na ang pakiramdam niya kumpara nitong mga nakaraang araw. Pakiramdam pa nga niya ay may panibagong Leya na ipinanganak sa araw na ito. Na ito na ang magiging bagong simula ng yugto ng buhay niya. Ang buhay bilang maging butihing maybahay ni Aziel.
"Hmmm~~~" inaantok na pag-ungol pa ng katabi niya at mas isiniksik ang mukha nito sa likuran ng kanyang leeg.
Nakikiliti na tinapik naman niya ang parang tuko na kamay ng katabi niya
