Katulad ng dating ginagawa ni Empress Maxima ay malungkot na tumanaw siya sa labas ng bintana ng kanyang kwarto. Mga labing walong taon na rin magmula na simulan niya ang kagawian na ito.
At isa lamang ang direksyon na siyang dinudungaw niya sa labas na iyon. Ito ay walang iba kundi ang siyang kinaroroonan ng palasyo ng kanyang anak na si Prinsesa Kataleya.
Parang bang umaasa siya na bigla na lang magka-milagro at makita niya sa kanyang harapan ang anak niya sa labas ng bintana na iyon. Na mismo sumuko sa kanyang pagmamatigas ang emperor at dalhin nito ang kanyang nag-iisang anak.
Ngunit halos dalawang dekada na ang dumaan na walang naging pagbabago sa sitwasyon niya. Dati ay umaasa pa siya nag magbabago balang araw ang isipan ng kanyang asawa. Na dumating ang panahon na kilalanin niy
