Nang matuklasan na isang sumpa ang naging dahilan ng kalagayan ni Emperor Hadrian ay nagsimula na magkagulo sa loob ng palasyo.
Ang inihandang hukbo ni Sir Girard na dapat magtutungo sa bayan ng Cait ay ang mga inutusan niya na suyurin ang bawat sulok ng palasyo. Iyon ay dahil sa pagnanais niya na agarang mahanap ang sinumang demonyo na siyang nagbigay ng sumpa sa emperor.
Ngunit dumaan ang halos isang araw na walang silang natagpuan na demonyo. Ni hindi nga nila alam kung saan sila magsisimula sa kanilang paghahanap. At kung nasa palasyo pa nga ba ang demonyo na iyon.
Dahil doon, nagpabalik balik si Sir Girard ng lakad. Hindi na talaga niya alam ang kanyang gagawin bilang pinakalider ng mga kawal ng palasyo. Ngayon pa na nasa malalang kalagayan ang pinaglilingkuran nilang emperor. Kay
