"Mukhang close na close kayo ah," asar ni Adam.
Tipid akong ngumiti. Gustong-gusto ko ng malusaw dahil sa mga pinagke-kwento ni Asher. Napalunok ako, nakita ko ang muling pagtitig sa 'kin ni Paulo sa gilid ng mga mata ko. Pinilit kong hindi sumulyap sa kanya. Kumuha na lang ako ng slice ng vanilla cake at saka ito tinikman.
"Aba oo naman! Panay ang dikit sa 'kin nitong si Wendy."
Kumunot ang noo ko kay Asher. "Baliktad ata?"
"Joke lang." He laughed, tinapik niya ang ulo ko. "Pero syempre close talaga kami nitong si Wendy. Simula ng naging manager niya ako, naging sandalan na namin ang isa't isa. Hanggang sa naging CEO na siya at COO ako. We are growing together until now."
"Sana lahat may kasamang mag-grow." Tumawa si Rimuel.
"Sus! Puro ka ganyan." Binatukan ni Adam si Rimuel. "Pagk
