Naisipan naming mag-camping sa Camp John Hay. Dalawang malaking tent ang binili ni Lance sa La Union bago kami umakyat sa Baguio.
Dahil nga wala kaming dalang paglutuan ay namili na rin siya pati ang mga pagkain na gagamitin namin. Good for a week rin ito lalo pa at alam kong hindi kami magtatagal sa Baguio.
“Saan mo balak pumunta after ng one week?“ tanong ko kay Lance nang matapos niyang ayusin ang aming tent.
Napatingin naman siya sa akin at napahinga nang malalim. “Hindi ko alam. Ayaw ko pa kasing umuwi.”
“Bakit naman?“ tangkang tanong ko at kumuha ng isang piraso ng curls saka ito kinain.
Medyo naiilang pa rin ako ngayon sa kaniya dahil naka-top.less siya pero wala naman akong magawa dahil walang lilim o puno ang puwesto namin.
“Family problem,” maikling sambit niya. “Ikaw? Saan
